Парламентарни Избори 2014

Кончита не е тоа што мислите

Викендов се конституираше  новиот Парламент. Да. Шокирачки за  опозицијата, на изненадување на дел од јавноста кој сеуште живее во 1976, и за жал на западните амбасади кои мораа да се потрудат и дополнително  да смислат комплицирани и неразбирливи термини во очебијните обиди со  неутралните изјави и со  дипломатско- филозофско-метафизички речник да ни кажат дека ги заболе средно уво и домалото прсте за нашите глупирања. На разочарување на нивните брачни партнери кои непланирано мораат да ја откажат прославата на мандатот во најелитната локална кафана со певаљка која е плукната Цеца и да се простат од новиот мебел и патувањето во Хургада, новите несудени пратеници од опозицијата со потпис на нотар ги вратија назад мандатите и храбро и одлучно рекоа НЕ.

Нотарот нели му доаѓа нешто како врховен судија на Големото Царство и Светиот Грал.  Пред неговото Височество сите свечено се одрекоа од позицијата, европските плати и привилегиите за фри кафе и кисела вода и неплаќање патарина и паркинг кои таа ги носи и храбро му рекоа не на гласот на народот (не се мисли на емисијата на Томиќ). Па што имаме ние од народот никаков, чуму ни е гласот негов кога партијата вели одлучно и цврсто НЕ. Некои отишле чекор подалеку и слоганот “Партијата над се”, кој ко ѕвезда северница ги води во оваа битка против  злото наречено неправедни и нефер избориго истетовирале на левиот бицепс од внатре(поблиску до срце).

iimages

 

Но, ДИК најде генијално решение. ПТТ ќе заврши работа, се разбира доколку некој дечко од Топаанско случајно во гравчиња не види со кое возило, со какво обезбедување, во колку часот и по која улица ќе поминува пратката. Мандатите ќе бидат пратени по пошта. Арно ама, опозицијата има контра  решение. По темелната и опсежна обработка и анализа на статистичките податоци за поштарите и нивниот начин на работа со посебен осврт на нивниот страв од кучиња и од која раса најмногу, СДСМ на сите храбри пишман пратеници им обезбеди по еден ротвајлер за пред  домашната врата. Но пасаран.

Како потврда на лојалноста некои од “насилно и неправедно” избраните пратеници ги продадоа своите телевизори за да избегнат непотребна провокација од тв преносот и да не бидат соблазнети од чинот на конституирање на Парламентот. Се проширија информации дека некои оделе дотаму да планирале привремено бегство во манастир. Но, се предомислија. Со оглед на историското наследство, да не речам багаж кој го има оваа партија од времето на СВОЗ и самоуправувањето, овој потег можеше да биде погрешно протолкуван од јавноста како чин на помирување на партијата со религијата. Непотребно ќе го мачеа Маршалот и тој по којзнае кој пат ќе се превртеше во својот вечен дом на Ужичка 15.

Сериозно, со среќа новиот Парламент! Само, не сум сигурен како се честита некому нова работа во Парламент. На гробар, полицаец и пожарникар веројатно им порачуваме со среќа и што помалку работа да имаат, на хирурзите мирни и не прмногу лепливи прсти, на гинеколозите чиста работна околина и цветни мириси, а на бабиците што почесто да слушаат прв бебешки плач и малку потазе бонбониери и кафе од барем пола кило пакување да добиваат. Но како на нов пратеник да му честиташ нова работа? Ај со среќа и што повеќе успешни амадмани да имаш? Среќно и да не те фати некоја камера како за време на седница сурфаш по лајф бетинг сајтови, спортски кладилнициили играш кенди креш сага на Фејсбук? Ај со среќа и кога ќе се гласа буџет да бидеш на боледување? Како?

Шегата на страна. По којзнае кој пат покажавме дека по нешто сме единствени во светот. Па да, каде на друго место има насилно некој да те направи паратеник? Замисли…ти си одиш на партиски состаноци, редовно си плаќаш членарина, кога ќе ти дојде ред ја зачистуваш канцеларијата и тоа со воден џогер а не само со метла, кафе вариш за сите секој втор петок и оп…одеднаш стануваш пратеник? Добро, партијата е твој идеал, со пола роднини и пријатели не зборуваш одкако стана активен член , животот  ќе го дадеш за неа и не и замераш што те ставила на кандидатска листа за Парламентарни избори, ама што им е на овие од власта? Како смеат да ти верификуваат мандат и да те направат п(л)ратеник? А ти не сакаш.  Ма со право опозицијата и нивните подржувачи од независните медиуми тврдат дека кај нас има недостаток на демократија и човековите права се кршат на секој чекор. Нејсе.

Викендов нацијата многу ни се растревожи и вознемири. Не, не заради неуспехот на охриѓани конечно освен фамозните и здодевни термини “Градот на УНЕСКО” и  “македонскиот Ерусалим”, новинарите да почнат да го користат и новиот термин “Градот гинисов рекордер” кога пишуваат за Охрид. Орото не успеа да влезе во книгата на рекорди. Злобните скопјаништа ќе речат ете доказ дека сепак во “…Охрид немат љуѓе…”, а охриѓани ќе се жалат дека стружани орото го играле правото(три напред три назад), а пајдушкото требало  да се игра. Но, актуелните градски власти не очајуваат и наместо планираниот данок за туристи наречен “гинисарина”, сега планираат нова давачка која ќе се вика “играорина”. Односно секој турист кој не го знае пајдушкото ќе треба да платиТ порез. Проверка ќе се прави на Подмоље на специјално за тоа изграден полигон. Со средствата од оваа давачка ќе се отворат нови играорни друштва и се повеќе љуѓе и стружани ќе научат пајдушко за да го собориме рекордот. Ете.

Значи ни Парламентот и насилното претворање на  обични луѓе во пратеници ни неуспехот на охриѓани уште по нешто друго освен по ѓомлезето и конобарите да станат подобри од скопјани не ги изнервира Македонците викендов. Евровизија беше шокот за нацијата. Замисли, ние ни во финале не влеговме, а таму некоја Австрија со нешто кое има брада и носи фустани а има шпанско/месарско име победи? Да, Европа и Евровизија и победата на Кончита не извади од кожа.

Па како може бе? Каква е таа Евровизија? Какви се тие стандарди и европјани кога гласаат за ваков чуден створ? Машко ли е, женско ли е? Да не знаеш како да го/ја опцуеш. Нацијата збесна. Почнаа масовно анти ЕУ пораки да се шират по социјалните мрежи. Народот е разочаран и не сака да чуе за Европа. Ма какви бре? Срамота, безобразлук. Песната? Ма кој ја слуша песната, гледај кој ја пееше. И ние во таква Европа ќе влегуваме?  ЕУ скептицизмот рипна до плафон. Не у ЕУ.

Интересно. Не, не мислам на Евровизија. Мислам на реакциите на нацијата. Интересно е како тоа вакви анти ЕУ реакции немавме до сега кога ЕУ со години не држи во чекална и константно се обидува да не обезличи? Зошто низ државата не се ширеше анти ЕУ расположение кога ЕУ со години не тера да си го смениме името и идентитетот, а јазикот не ни го признава како македонски? Ахаааа…Кончита е проблемот….Кончита не боли….Зошто ЕУ да ја сака Кончита е најголемиот проблем на денешницата да дури почнавме да палиме знамиња на ЕУ? Сигурен сум дека некој од генијалните опозициски аналитичари ќе отиде до таму да изјави дека нашата власт ја “измисли” Кончита само за да го зголеми евроскептицизмот во Македонија и плус да ја дефокусира јавноста од конституирањето на Парламентот и насилното верифицирање на мандатите на пратениците. Веќе ништо не ме изненадува.

П.с. Ако добро сум разбрал од последните избори, сега Зоран Заев треба да биде кул дечко  со демократски манири и да ги праша оние 30 % од делегатите на Конгресот на СДСМ кои гласале против  негодали имале добра атмосфера за гласање,  да не речам климите во салата дали добро работеле.

 

Барањата на СДСМ за нови фер избори

Македонија е на крстопат. “Неделата на срамот” на 27 Април мина токму според предвидувањата на раководството на СДСМ на чело со визионерот Зоран Заев и загрижените за демократијата новинари на чело со медиумскиот могул и гениј на агитпропот, “новинарскиот Роналдо” Бранко Героски-Бојкот. Се мина според предвидувањата освен минорниот превид (за некои критизери наводно многу голем кикс) со синхронзацијата на часовникот на Заев, па наместо во 19.01, тој задоцни и своето историско обраќање “Не признавам” го упати во 19.03 часот. Но, тајмингот е од есенцијално значење за Македонија и за неколку денови следува Конгрес на партијата и секако дека на панел дискусијата и низ телата на партијата  ќе се утврдува одговорноста за овој превид. Зоран Заев ќе мора да ја докаже својата невиност за овој немил настан.

Некои злонамерни и необјективни критичари забележаа дека големиот лидер прво во “неделата на срамот” објави дека СДСМ не ги признава изборните резултати, а дури по неколку дена органите на партијата заседаваа и демократски донесоа едногласна одлука да не се признаат изборните резултати (исто му се фаќа) и пратеничките мандати со индигнација да се одбијат. Апсолутно не битен детал во високо демократскиот амбиент во кој функционира државотворната партија. СДСМ е на еден повисок степен на демократско одлучување од останатите партии и лидерот е телепатски поврзан со членовите на Централниот одбор и знаеше какви се нивните ставови по ова прашање. Уште еден доказ дека СДСМ е партија на иднината.

funny-dog-pictures-now-panic

СДСМ не ги признава резултатите од изборите во “Неделата на срамот” и бара рамноправни услови и демократски амбиент за остварување на намерата конечно да дојде на власт и со тоа да им се оддолжи на:

– членовите на СДСМ – кои се изначекаа и очекуваат победа и награда , согласно со антологиската изјава на лидерот Заев…”…да им кажете дека Заев беше  и рече дека ќе ги бркаме, ќе ги избркаме од работа и тоа да го знаат…” или парафразирано…”ќе бркаме се живо, од министер до портир и наши луѓе ќе вработуваме”

– Канибалите – кои се комплетно изгладнети и очекуваат победа, согласно со гурманската изјава на Заев…”…кога ќе дојдеме на власт живи луѓе ќе јадеме…”

-киропрактичарите, масажерите и ортопедите – кои очекуваат зголемен обем на работа по победата на СДСМ, согласно со изјавата на Заев за потребата од “свиткување на кичмата”

– независните новинари – кои се изначекаа и исцедија што дури и фикусите во независните “човек- порталче” редакции почнаа да им венат а и средствата за кафе и дневни трошоци одамна им се потрошија па мораат да брцнат в џеб (плус млекото денес е многу скапо-хинт АНАЛитико)

Од извори блиски до главниот принтер на Бихаќка успеавме да дојдеме до драфт верзијата на акциониот план и барањата на СДСМ за решавање на кризата настаната со “системската кражба” и “купените гласови” во “Неделата на срамот”.

Изборите минаа во не фер амбиент и системска кражба на гласовите со купување на гласачите. Бараме нови избори со мерки за обезбедување фер амбиент за гласање

  1. СДСМ бара Владата да не ги објавува новите странски инвестиции и отворањето на фабрики да остане во строга тајност. Новите вработени во овие странски инвестиции да не смеат никому да кажуваат дека се вработиле, а  и дома на жените никако да не им кажуваат дека одат на работа . Можат да кажат дека одат по риба со другар од средно. Новите кандидати за работа ако се интересираат за новите фабрики нека користат компјутер и преку Гугл Рт нека ја проверуват територијата на Македонија за евентуално нови фабрики. Оние кои ја немаат оваа можност  нека гледаат во гравчиња или на кафе каде се отворила фабрика, или со точак нека шпартаат по Бунарџик и другите зони.
  1. Гласачите кои добиваат субвенции никако да не ја шират таа вест по комшиите и со тоа да шират дезинформации  кај населението. Добивањето субвенции е лажен оптимизам и не е баш добра вест не само затоа што комшиите ќе им завидуваат и ќе им мочаат во парцелата со марули, туку и роднините од четврто колено ќе им бараат позајмица. Можат евентулно да кажат дека добиле на спортска некни кога ја фатија Барса “кец у два”
  1. Зголемувањата на пензиите никако да се објавуваат јавно, а  ако мора да се објават, да биде сторено по 21.00 односно во време кога пензионерите спијат.
  1. Да им се забрани гласање на сите кои ги лајкнале фејсбук страните на Јанко и Миленко, а посебно на оние гласачи кои лајкнале коментари или постови на истите, и за кои се утврди дека на своите фејсбук профили имаат повеќе од една фотографија со споменици од Скопје 2014 или знамето од Кутлеш.
  1. На Ивица Боцевски да му се дозволи во предизборниот период гостување на само 4 телевизии дневно и 2 изјави за онлајн портал, а за време на кампањата ова да се намали за 50%.
  1. Во кампањата да се забрани употреба на зборот проекти и било која цифра поголема од 100, а секоја употреба на зборот отчет по автоматизам да носи 100 гласа за СДСМ.
  1.  Преку колумна јавно дадениот глас за СДСМ од Александар Поповски да се важи за 100 гласа.
  1. Како одговор на предходната колумна, јавно дадениот глас за ВМРО ДПМНЕ на Тони Михајловски да се брои за  минус  10 000 гласа.
  1. Твитер заедницата во Македонија да биде прогласена за паралелен универзум и да им се дозволи таму да си изгласаат свои пратеници во виртуелниот Парламент.
  2.  На НВО Цивил да му се обезбедат средства од буџетот за да може во периодот на кампањата и на денот на гласањето да ангажира сервисери на лифтови во Капиштец и Центар. Сите лифтови мора да работат.
  3. Сите про опозициски портали да добијат рекламни банери од опозициска партија кои ќе бидат платени од специјален државен фонд и тоа по прогресивна стапка и цена на просторот. Правопропорционално, за повеќе навредливи текстови и неаргументирни обвинувања за власта сумата за маркетингот да биде поголема.
  4. Бранко Героски да биде шеф на ДИК-от

Со исполнувањто на овие услови СДСМ ќе прифати учество на нови избори на кои граѓаните слободно и демократски и во фер амбиент ќе можат да гласаат за СДСМ. Други кандидати и не мора да има.

Да и јас сум купен

Еве јас сум малку “спор” и не разбирам добро. Ајде некој нека ми ги објасни приказните за притисоци при гласање, или за “тргување” со гласовите. Нели, според опозицијата и нивните новинарски советници и хушкачи во обидот да се самораспушти и засекогаш исчезне од политичката сцена, изборите не биле легални и легитимни затоа што гласачите во “системска кражба” биле купени или уценети за да гласаат за власта.

Во ред. Може ли некој да ја разобличи оваа монструозно-конспиративно-орвеловска завера против опозицијата. Наводно се тргувало со гласовите. 10 гласови за владеачката коалиција значеле работно место, 5 гласови носеле субвенции и слично. Еве, јас да речеме сакам мојот глас и уште 9 други да ги продадам за работно место. И….??? На кој шалтер да се пријавам? Дали треба да аплицирам? Можеби сега власта има премногу гласови, па не прима од секого? И?

1. Како ќе ги убедам тие 9 луѓе да ми “помогнат” да “купам” работно место со тоа што ќе гласаат за ВМРО? (ќе апелирам на нивната совест и хуманост со ликот на Мајка Тереза истстовиран на срце, со киднапирање на член на фамилија, со оставање коњска глава во кревет или со ветување на 10 % од идната моја претпоставена плата)

2. Како ќе ми докажат тие луѓе на мене а потоа и јас на “трговецот”дека јас и тие 9 луѓе сме гласале за ВМРО? (со заколнување пред крст, кама и револвер на знамето од Кутлеш, секој да си отсече по еден прст од десна рака)

3. Кој ми гарантира дека навистина ќе добијам работно место? (со заколнување пред сликата на Грујо со новите фабрики во позадина или мора да бидеш коцкар или “шизик на ризик” затоа што на овие од власта ништо не можеш да им веруваш)

Просветлете ме. Не разбирам…сериозно…не разбирам. Има ли некој докази за овој нонсенс? Има ли било каква логика во ваквите тврдења?

Има ли некој кој не го знае вицот кој го шири опозицијата од типот…”….За да се вработиш, мораш да имаш партиска книшка од ВМРО…” Уф…а што убаво беше порано, бараа само секс. Ок. За каде да се вработам? Во локалниот кафе бар? Во фризерски салон “Вики Комерц”? Во Џонсон Контролс, во месарници “Промес”? И што… газдата ќе ми побара партиска книшка? Или во ВИП и ЕВН, или Дуна Копјутери и Тинекс, директорите на човечки ресурси ќе ми побараат партиска книшка? Еве, да речеме…во некој паралелен универзум во кој живеат лидерите на опозицијата и нивните мегафони, во некоја приватна фирма некој газда ќе ми побара партиска книшка. Ќе извадам партиска книшка. И? Што добил газдата и што добила партијата со тоа? Виртуелно членство. Кој им гарантира дека утре ќе го дадам мојот глас за нив. Јас можам да имам партиски книшки од седум партии, но на денот на гласањето, зад параванот, нема на челото да ми пишува за кого сум гласал. Или чекај…можеби книшките се донесени од некоја друга планета и имаат моќ да читаат мисли, или да ме убедат ако се пишманам и да ме посетат на мојата “обврска”. Аха…Исак Асимов и Стар Трек…

А што е со “уцените” кон вработените во државна служба? “Морале” да гласаат за владејачката партија? Па кој знае за кого ќе гласам? Јас сум сам зад параванот и можам да кажам дека сум гласал и за Далај Лама или Перо Антиќ. Кој ќе потврди? Луѓе бре…од пуста заслепеност од омраза и занесеност во квази елитизмот не гледате дека се однесувате како да живеете во друга димензија. Твајлајт зоун.

reality

Луѓето гласале за владејачката коалиција затоа што биле купени? Веројатно да. И јас сум купен. Како? Со тоа што општината ми ги направи улиците во соседството и ми направи игралиште за децата во маало? Со тоа што пензијата на мајка ми постојано се покачува? Со тоа што се отвораат фабрики и работни места наместо да се затвораат како пред десетина-петнаесет години? Со тоа што главната сообраќајница која ме поврзува со Центар до вчера беше слепо црево а сега прераснува во првокласен булевар? Земјоделците се купени со субвенции кои до пред десетина години беа триесет пати помали. И младите се купени со погодности и поволни кредити за отворање бизнис или со државни стипендии за сите светски универзитети. Уметниците се купени со плати покачени за 3-4 пати и нов театар за кој сите сонувавме педесет години. Аааааа…а оградата од мостот што ја криете….???

Гласачите се “купени” со фактот дека никогаш порано не сме имале повеќе странски инвестиции во Македонија, дека никогаш порано не сме имале подобри улици и патишта, никогаш порано од центар, на пример преку новата Илинденска не се стигало побрзо до Ѓорче Петров, дека никогаш не сме имале повеќе и подобри градски автобуси, никогаш не сме имале повеќе туристи. Никогаш не сме имале подобри и повеќе спортски сали.Имаме стадион најдобар во Јужна Европа, салата Борис Трајковски е за гордост на секој нас. Училиштата се обновени, спортски сали се направени во секое селце. Здравството никогаш не ни било подобро. Се гледаат фабриките во Бунарџик, Штип, Битола, Велес, Кавадарци. Гасификација започната, два важни патини правци на исток за Штип и на запад до Охрид се на почеток на изградба, пари се обезбедени. Ова е фактичка состојба. Ааааа…а автобусите мораа ли да бидат црвени…???

Моите деца со подзинати усти ги гледаат спомениците низ центарот на Скопје, нашите легенди, нашите херои и творците на нашата историја и нација, кои порано дури ни на слики ги немаше по учебниците. Да, сега опозицијата ќе ми каже дека парите кои се потрошени се наши, од буџетот и владата не треба да се фали со тоа. Да, ама оваа е прва наша влада која покажува и отчет и на дело се гледаат нашите пари. Да, и јас сум купен. И не ми е важно кој е купецот и како се вика, се додека работи на моето и на доброто на моите деца, ќе ја има мојата подршка. Инаку, која би била алтернативата? Треба ли Владата наместо се ова погоре, да не работи, да ги затвора фабриките, да не гради туку да руши и уништува?

Опозицијата е во право. Кога ќе го погледнам се ова, и не ме изненадува што гласачите се купени. Но, фалинката е повторно кај опозицијата. Повторно при очи неможат да видат дека така се “купуваат” гласачите и во ЕУ и во САД. Не можат да сватат дека така треба да функционира секоја една влада во секоја нормална држава. Во функција на граѓаните и за нивно добро. Онаа влада која оваа едноставна вистина ја разбрала, онаа влада која работи за граѓаните, секогаш ќе ги добие гласовите на граѓаните. Без обзир на пустата желба за власт на безидејните и политички импотентни опозициски лидери и нивните медиумски апологети.

Мамо, мамо…сакам да бидам пратеник…