Саше Политико

Мамо, мамо…сакам да бидам пратеник…

Advertisements

Гугл знае што правевте вчера

don_t_panic_button

За оваа колумна и податоците изнесени во неа искрено и длабоко треба да му се заблагодарам на Гугл. Сте чуле за Google search history? Мики, батките од Гугл сосема посветено (со “мала” доза на орвелизам), професионално и вредно ги собираат и чуваат сите наши пребарувања преку Гугл с`рч. За кого и зошто, (ве поздрави Сноуден) подобро и да не знаеме. Јас дојдов до Google search history на неколку наши јавни личности. Има ли вистина во ова, точно е или не, само еден Гугл знае. И тие самите. А што тие имаат во историјата на нивните интернет пребарувања. Знaчи, што најчесто пребаруваат на интернет:

 

Александар Маленко

-Традиционални имиња на машки деца

-алиментација, нов закон – процедура и утврдување на сумата

-онлајн тренинг-како најлесно да ги запамтиш имињата на сите свои деца

-“Marriage and how to stop doing it” for dummies

-таблети за контрацепција за мажи- упатство за употреба

 

Андреј Жерновски

– онлајн забрзан курс по архитектура “Си правел ли некогаш кули од песок? Значи и ти можеш да бидеш архитект”

– инат, можности и практична примена

-Фото, шарени згради и балкони, Тирана, Мумбаи

– поликолор, понуда на широк асортиман на бои, големи количини

-“Top 10 tips & tricks how to stop the baroque” for dummies

 

Саше Политико

– талибанци, фашисти, сталинисти, маоисти, героисти и уште понавредливи термини и пцовки и како најефектно да ги користиш

-најниска цена на млеко во Скопје, маркет и локација

-сам свој адвокат, забрзан онлајн курс по право и правни норми и КЗ на РМ

– сам свој доктор, параноја, шизофренија дијагностицирање и третман

-“First time in prison” for dummies

 

Бранко Героски

-онлајн регистрација на фирми-брзо и ефикасно

-Андроид апликација-Како најлесно да ја пресметаш квадратурата на своите станови

-како од комунистички уредник да станеш капиталистички газда на медиум, план и инструкции

-www.justask.net  – Дали со отворање на десетиот медиум конечно ќе станам добар новинар

-“100 different ways to offend your President” for dummies

 

Ранко Бубамара

-Иос апликација-Како најбрзо и најлесно да ги пресметаш сите Златни бубамари на К 15 и Трендо

– акустика, капацитет и број на седишта на Арена Филип II

– онлајн доктор-Колку најдолго може да издржи човечка бешика

– Иос апликација –Лоцирај ги сите соученици од основно и средно кои не добиле Златна бубамара

-“Learn how to hold a longer and more boring speeches” for dummies

 

Горан Пандев

-држава во која Рафа Бенитез нема работна дозвола

-малер, магии и клетви, како да ги отстранам

-“20 excellent plans how to save yourself from bad luck coach” for dummies

-држава во која сопругата на Рафа Бенитез не сака да живее

-Андроид апликација “Rejecter-best way to reject a call from a National team coach”

 

Билјана Ванковска

– Сам свој тренер, прва лекција –  “Его и суета, или како да ги зголемам и надградам за да станам подобар професор”

–  www.justask.net – “Денес имав 7 нови лајка на ФБ, дали да се кандидирам за Претседател?”

“Top 10 Facebook tricks how to ban and block people smarter than yourself” for dummies

– Онлајн семинар – Ароганцијата како последица на несреќното дестство и фрустратциите од истото.

– Popular Psychology – ” You are a looser? Learn how to accept it and live with that”

 

Коце Трајановски

– www.justask.net   – Имам уште 943 дена мандат. Уште колку точно барок фасади можам да направам?

– онлајн тренинг – “Како да направиш Ајфелова кула и Статуа на слободата во својот град”

– река Вардар, капацитет и пловност, уште колку мостови и какви бродови може да се изградат

– Иос апликација- “Монументо – најпрецизна евиденција на сите споменици кои си ги изградил”

– ” 101 more things you never dream you can build in baroque” for dummies

 

Секоја сличност со вистината и личностите изнесени овде не е моја вина и немојте мене да ме обвинувате за вашите мали онлајн тајни. Ехеее…само да знае некој јас што се пребатувам. Чекај…па Гугл знае се. Дилит…дилит…shift+delete…shift+delete…

Анкета : Јавни личности и нивната “популарност”

Capturepie1_wm

Олимписка мака

Сите добри приказни почнуваат со…”Еднаш…додека гледав карлинг…” Да бе мики…ама за некој фраер од Монтана или фрикинг Манитоба. Јас денес малку гледав Олимписки игри. Не се смеј. Па јас пола ден го поминувам гледајќи извештаи од Олимпијадата во Сочи. Да, само што извештаите се далеку од спортски рапорти и одат на CNN и од нивни известувачи кои во Сочи ги имаа на десетина. Од време на време извештаите од Сочи ги миксаат со оние од Киев и ако не внимаваш, тотално ќе изгубиш ред. Кој новинар беше во Сочи??? Чекај, онаа плавата нели беше во Киев? Ма сеедно, спремни се тие за секоја ситуација. Чиниш ко на времето кога известуваа од “сити оф Шипко-ВИЦА, норт-вест фајром”.

Ма не, сериозно….на игри мислам, гледав спорт…Олимпијада. Вистински спорт гледав. Карлинг…Абе доста се смееш. Сериозно, гледав карлинг. И никако не можам да го прежалам изгубеното време. Цели 4 минути стоев пред телевизорот додека некои американски “војничиња” подрипнуваа од столчињата и се фаќаа за глава. Јас мислев мене ме онадат, онака, како лаик, за да ме збунат. Демек, еве кога нема ни шанса ни гол ние ќе се зезаме со цивилов, па уште и од Европа.  Да мики, за жал овде нас Балканците нон стоп не навредуваат и не нарекуваат Европјани. Ама не…мора нешто сериозно да се случуваше, од очи искри им излегуваа и од време на време ме погледнуваа попреку како “коловоџа” на свадба кога ќе се дрзнеш да се фатиш пред него и да му ја преземеш славата.

curling-demotivational-poster-12395

Мики, закрвавен или искричав поглед мораш да респектираш. Плус, пушките им беа под маса. Гледањето карлинг можело да биде опасно, посебно ако не ги знаеш правилата и не знаеш кога треба да се радуваш, а кога да пцуеш. Подрипнуваа батките и се фаќаа за глава со грч на лицата, а јас барав чаре како нечујно и незабележително ко Јани Макрадули од скопскиот маалски баскет, да се повлечам од теренот.  Мора да била голема драма во прашање, а не падна гол. Сигурно. Изгледа само шанси имаше. Мислам дека не падна, затоа што не припукаа. Е како не е спорт за пукање. Карлинг? А тенис дали е спорт за пукање? Па зошто тогаш кај нас во Аеродром се пука секогаш кога Ноле ќе тепа. Тоа само до финале. Кога ќе освои турнир се пука и во Капиштец.

Карлинг. Колку возбудлив спорт. Мики, ова да го гледа Саше АНАЛитико ќе побели во косата за едно полувреме. Ма повеќе ќе се изнервира и од некни Дуња кога го разочара што не ни дојде со казнена оклопна дивизија и со носач на авиони паркиран во Јонско море. Ма замисли Героски да го гледаше овој драматичен карлинг. Тој па…тој ќе си отсечеше лево уво од нервоза. Ма гарант повеќе ќе се изнервираше и од моментот кога свати дека нацијата е неповратно опаметена и дека весникот му е вијателен ко знак за забрането пушење во чајџилница во Чаир. А јас ништо…без никаква реакција. Освен чуството на мака по изгубените 4 минути кои никогаш нема да ги вратам. А едно време и влечење на јаже на “Јадрански сусрети” ми беше драматично и забавно. Изгледа така беше заради Оливер Млакар…или Хелга Влаховиќ? Кој ќе знае.

Крај на 2013. Каде е моралот?

Ете. Заврши 2013. И по нов и по стар календар. Заврши калабалакот околу промената на датумот на календарот и завршетокот на уште еден круг од вечниот пат  на планетата Земја околу Сонцето. Заврши труењето на нацијата од страна на медиумите со кристмас и џингл белс песни од кои се чуствувавме како да  живееме во  Вирџинија или фрикинг Монтана и уште што не почнавме да џвакаме тобако и пиеме кафе од тенџериња кои ги мкнеме со себе по цел ден.  Ако продолжат вака за некоја година сите ќе почнеме да се поздравуваме со Мери кристмас, на продавачките ќе им се обраќаме со екскјузми мем и ќе гледаме мажишта (море ко да видов и женска лига да имаат) во хеланки и со оклопи како се млатат во спорт кој се нарекува фудбал, а нити се игра со топка нити пак се шутира со нога.

Завршија прејадувањата со сарми и руски салати, заврши  локањето греана ракија при обидите уште повеќе да се загади скопскиот воздух со уништувањето на нашите шуми во паганскиот баднички ритуал на палење огнови и во обидите за зближување на комшиките кои инаку цела година збор не прозбореле, освен кога заедно ја оговараат онаа третата. По маалската огнена вечер  и изгужваните чаршави и флекосаните чинии на комшиката Мира, по  шоуто на комшијата Цаци кој оваа година конечно успеа да испие повеќе од Микац а само два пати да поврати и само еднаш да се измоча во лонецот со гравче, комшиките ако не подолго, барем до 8 март ќе имаат повеќе теми за трач. Што секако е една од најголемите придобивки од празниците, покрај онаа најважната, која рака на срце им оди во прилог само на елегантно пополнетите ( да не речам здрави и црвени во образите) наши сограѓани. Да, тие од сега па до Сент Валентајн слободно можат да ги пуштат стомаците и задниците на увид на јавноста и за својот изглед наречен  “полесно да се прескокне отколку да се заобиколи” да ги обвинат празниците и богатата трпеза. Аааа ….да не се залажуваме, секако дека сите знаеме дека и пред празниците бевте полнички. Нели?

15-funny-pictures-610

Туку, годината заврши и сега се сетив дека всушност ништо посебно ни драматично не ни се случи. Освен, се разбира, шмекерските “мовембар” мустаќи на Макрадули и хуманитарната акција за собирање парична помош која многу несебично сам за себе си ја организираше Саше АНАЛитико. Не, сериозно…што всушност катастрофично, каква катаклизма требаше да се случи во Македонија во 2013 година? Да де…па зошто инаку парламентарците ни го изрежираа холивудскиот трилер со примеси на хичкоковски  хорор, дајхардовска акција (Б.Ц. и Заев против барикадите) и елементи на романса (Шема ја спасува Рада и на раце ја изнесува надвор од опасноста) многу инвентивно (од каде ли им текна името) од нашите медиуми наречен  “Црн понеделник”? Нели ако се усвоеше буџетот каков што беше предложен следуваше крај на светот и содома и гомора, а апокалипсата чекаше пред  врата и нејзините јавачи ги тимареа коњите чекајќи нестрпиво  орни за акција. Буџетот беше усвоен  каков што беше предложен, годината си измина нормално…и…?

Кога ги споменав медиумите. Нашите медиуми покрај секојдневната црна хроника и лешинарството како нивен редовен топ топик, знаат и повремено да се залетаат како тинејџер на порно сајт, или ко циганчиња на коледе со некоја “онион” вест како оваа последната за ХАРП –от кој ете требало да експериментира со климата во Србија ама се “расипал” и ледениот бран “случајно” ја зафати Америка наместо Србија. А главниот инжинер “случајно” има српско презиме.  И по ова, (и предходните неколку слични случаи) јас на сите “онион” сајтови би им советувал да си се заштитат од нашите недоучени полуписмени уредници кои преземаат нивни текстови и можни тужби од истите , и како што американските компании на пример дури и на феновите за сушење коса имаат истакнато предупредувачка информација “ Не е препорачливо да се јаде”, да си истакнат дисклејмер со текст –  “ Внимание. Само за македонските веб портали и медиуми. Вестите презентирани овде се шега. Да, се зезаме. Не, не сме сериозни. Навистина се шегуваме. Немојте да не сваќате сериозно. Лажеме. Немојте да ни верувате” Или, втора опција, во онион текстовите на онион  сајтовите, на секој втор пасус да стои смајли и на македонски да пишува ШЕГА. Уредници…гуглајте…

Гледајќи што се случува со Ивона Талевска и хајката што се води против неа морам да заклучам дека уште еднаш се потврди познатото правило дека новинарите повеќе си ги сакаат политичарите отколку своите колеги. Се поставуваат неколку прашања. Дали новинарите се рамноправни со останатите граѓани и смеат ли новинари кај нас да водат бизнис или треба да бидат платени од политичките структури? Дали тендерот во овој случај содржел ограничувања за новинари? Дали се почитувала тендерската постапка и дали имало криминал? Ако имало, постои ли доказ за истиот? Ако немало,  зошто од одредени “независни” медиуми се води хајка против новинарката која (без разлика дали, кога и како ја напуштила фирмата) законски добила тендер и фирмата го одработила истиот? Морал? Етичност? Добро…најважното прашање до оние кои повикуваат на морал. Зошто тие “независни” медиуми  во овој случај прават хајка, а не спроведоа хајка против лидерот на една опозициска партија за кој постоеја индиции и документи дека како избран градоначелник , од позиција на власт, доделувал тендери на фирми блиски до неговото семејство? Двојни стандарди?  Погледнете се во огледало. Каде е моралот?

Поголем католик од Папата

Ете, повторно е тој период од годината. Драма, притисоци од сите страни, нервоза и непотребна вознемиреност кај големото мнозинство од нацијата. Не…не мислев на приближувњето на датумот на можната реприза од ланскиот “црн понеделник” во Парламентот и  “драматичното” изгласување на буџетот.  Драматично најмногу заради познатата “филмска”сцена со големите ново откриени нејчурал таленти на македонското глумиште, натуршчиците Шема и Рада, во која главниот јунак сосема несебично и храбро (како херој од некој познат италијански “јуначки” еп) ја спасува принцезата од канџите на аждерот и на раце ја изнесува надвор од опасната зона. Ех, да непукнеш…се наежив…

Не мислав на тоа, иако Парламентот деновиве ни донесе уште еден настан кој го привлече вниманието на јавноста посебно на стручната. Да, на членовите на националната Асоцијација на  психијатри и на едно чудо хејтери  и онлајн плукачи кои по овој ивент си ги излижаа плуканиците кои до вчера  во огромни количини ги исфрлаа кон сега веќе новиот хироу оф ди ауар. Чудо едно колку само малку кај нас фали хејтаниот и исмеван да се претвори во нов идол на напатените, лидер на “угнетуваната” портал заедница и ударната тупаница на килавата опозиција,  спасител на притиснатите медиуми и замолчените новинари кои се до толку замолчени што само уште што не почнале секое утро ластици да му маваат на Грујо и да му бараат извештај за видот на пастата за заби која ја користел,бојата на пижамите во кои спиел и што појадувал.

02-Santa-Claus-Inserted

Да, погодувате. И овојпат собранието беше сцена на која видовме говори на неколку класични примери на претставници на групата граѓани за кои пишував пред неколку колумни. Односно граѓани и политички активисти кои се многу напатени од неостварена желба за власт и од преголема желба за остварување на личната вендета кон некој поединец-член или кон политичката партија на власт во целост. Точно…се работи за ПАТАЛЦИ по власт, моќ и внимание од политичкиот комесар, од групата новинари, подрупа ПЕЧУРКИ (термин авторизиран од Фрчко). Нема да се повторувам, само ќе кажам…ако до сега мислевте дека гледањето и слушањето настапи на парламентарците ви беше траума, ви ја навредуваше интелигенцијата и ви предизвикуваше мачнина  и чуство на срам заради туѓите постапки и сожалување заради дефицитот на морални вредности како каратерни особини кај истите, тогаш надзорната расправа во Собраниската комисија за политички систем  на која говореа новинарите и “новинарите” ви покажа дека имало од лошо и полошо. Да, секогаш има и полошо. Сега знаете , посебно после настапот на ПАТАЛЕЦОТ од прв ред, кратовчанецот кој се одзива на никот АНАЛитико или ПОЛИКЛИНИКО, како сакате. Ете…после неговиот настап знаете, меѓу другото, зошто жалат и колку им е тешко на неговите родители кога сфатиле што креирале и колку заради тоа сознание им е мака што немало некој да ги упати дека би им било подобро во критичниот момент да користат кондом.

Но не е настапот на ПАТАЛЕЦОТ толку битен и нешто многу посебен. Тој е секогаш таков. Не, лажам….На почеток на неговата “кариера” настапите му беа во друг правец, повеќе како подршка на власта, во обид да се закачи на некоја буџетско-маркетиншка цицка. Но, откако ниедна владина институција не му се најде за молзење, тој ете, како и мнозинствто ПАТАЛЦИ, го заврте листот и стана најголем опозиционер, ма дури и  “поголем католик и од Папата”. Тоа што и од опозицијата го есапеа исто како и прерискиот зајак од Чиле и неговите проблеми за време на менопаузата, го исфрустрира до тие граници да откако испоплука се живо и мртво од политика и естрада, почна да се кара со својата сенка.

Значи, не беше АНАЛитико тој, туку реакцијата на неговите хејтери/обожаватели е хајлајтсот по овој настан. И да баравме немаше толку лесно и по само еден 5-6 минутен настап пред камерите да добиеме потврда на нашата позната:

“Кога сум безизлезна ситуација на очај и безидејност, а со изгледи за победа како оние на жабата против шлеперот, непријателот на мојот непријател екпресно станува мој пријател, иако до вчера сум се мајтапел со него и сум го плукал насекаде и при секое споменување на неговото име сум се гадел и сум правел пу..пу..пу…”.

Навистина, колку само ефектно испливаа на површина сите  повраќаници изблуени врз  “новинарскиот” вонаби  дисидент од Кратово а од смрдеата на  реакциите на неговите нови симпатизери екосистемот во државата се наруши и загаденоста на воздухот во Скопје драстично се зголеми. Ма не се дише веќе, па  би ве замолил сите, дајте му на ПАТАЛЕЦОТ што бара, ма дајте му се, само нека престане со предизвикување вакви реакции кај пишман-аџиите. Нека престанат да ја трујат и загадуваат околина. Смрди мики,  корне, до толку да творовите во Северна Америка почнале со масовни самоубиства, а последните членови на племето Смрдлива Уста започнале потпишување петиција со која бараат од властите да им се издаде државјанство на сите довчерашни хејтери а сега најголеми фанови и подржувачи на АНАЛитико за да можат да ги примат како почесени членови на племето.

Ма смрди и труе повеќе и од оној генијалец, професорот (за кој ќе се потрудам никогаш да нема можност да ги труе моите деца) кој јавно признава дека е неспособен и  дека е дел на друштво на неинвентивни, политички импотентни  и безидејни ликови за да ја анимираат гласачката јавност на своја страна па затоа бара странци да ни ја кројат судбината. Да го инсталираат на власт него, како најгенијалниот во државата де. Да, втора шанса, затоа што кога имаше шанса и кога беше на власт во деведесетите беше индиспониран и не беше во форма баш (за малку ќе му го убиеа претседателот а тој купуваше коњи и рејбани за полицијата) и не можеше да се истакне се некоја активност  и резултати за општо добро. Освен она сега веќе познато, според сведоци од тоа време, креирање новинари во деведесетите и нивно одгледување “како печурки во подрум, на темно, и хранети со измет”. И после ние се чудиме зошто ни смрди во медиумите? Иако, оваа негова активност со печурките, од денешна перспектива покажува резултати само за неговата партија. Па така де…прво за себе и блиските…а за останатите ако остане, или ако заслужат. Нејсе…

Не мислев на ова. Мислев на “Празици се ближат, кредитни картички се пеглаат и лижат”. Да, забележавте дека се наближува најголемиот македонски празник после Златна Бубамара, Сент Валентајн деј и Нова Година ( 1 Мај е вон конкуренција заради двојното значење заедно со 2 Мај и традиционалната “скара на дождот, пиво во реката и мравки во салатата”). Точно, добро забележавте, доаѓа Кристмас. Па како може некој да не забележи? Нашите медиуми, посебно генијалните музички уредници и радио продуценти повторно здраво се потрудиле, како и секоја година да не потсетат дека се ближи најголемиот католички верски празник.

Да, нашите радио, па и телевизиски станици се однесуваат како “поголеми католици и од Папата” и редовно секојдневно низ програмите со оригинални свечени Кристмас џинглови не потсетуваат дека во земја во која 69 % од населението е со Православна вероисповед, 29% од населението од Исламска вероисповед  а  дури 1% од населението е од Католичка вероисповед се наближува католичкиот Кристмас. Браво. Ма сигурен сум ни радио Ватикан не го прави ова по посветено. Па сега едноставно мора да поентираме и да испратиме порака до ЕУ. Гледате ли како ние во Македонија се грижиме за верските права на малцинствата? По цел ден Мери Кристмас, Мери Кристмас и џинглбел песнички. И малите деца кај нас си ги потпевнуваат.

Тука секако треба да им се оддаде признание и на маркетинг агенциите кои секогаш многу инвентивно,  кај нас, во овој период од годината за нашиот пазар ги користат рекламите направени во Америка или Западна Европа. Нормално, тие реклами се наменски, празнични и се обраќаат до публиката која ако не во огромно мнозинство, барем  во пристоен број од 50-60 % е со Католичка вероисповед. Така нашите медиуми многу посветено верски ни ги едуцираат нашите деца. Со Кока Кола, елките, звончињата и подароците под елките. И веќе немојте да ве изненадува кога сите почнаа и Халовин да го празнуваат, го слават Сент Валентајн а не Свети Трифун, сите потпевнуваат џингбел а немаат никакво познавање за Божик и Бадник, и го исмеваат кршењето на погачата и паричката во неа. Е, уште и Тенксгивинг и мисирките ни фалат.

Да, знам…има и атеисти, луѓето имаат право на избор и се тоа. Јасно ми е. Но знам и дека јас како Православен христијанин имам право во мојата држава ако веќе на останатите им се посветува толку внимание и промоција, да му се посветува достојно внимание и на мојот најголем Православен празник Божик, по мојот верски календар и на мојот јазик.  Не само од државата и државните институции. Помодарството и снобизмот не изедоа и не направија медиумски преврзок во џебот на корпорациите и трговските гиганти од западот, за притоа да забораваме на своите јазик, култура, религија и традиционални вредности заради кои нашите низ историјата гинеле и кои помогнале да опстанеме како нација. До кога туѓото ќе ни биде помило од своето?