Твитер

Мамо, мамо…сакам да бидам пратеник…

Да мики, сите сме луди на свој начин

 

Во оваа прилика би сакал да елаборирам   неколку мои опсервации на темата “Социјалните мрежи и интернетот општо,  како значајни елементи во процесот на созревање на адолесцентите и градењето на нивниот карактер под влијание на истите”, со посебен осврт на ”Влијанието на политичко-социолошко-општествените девијации и личните сексуални фрустрации во секојдневното користење на социјалните мрежи и интернетот”  …да не речам…кои се и какви се мрчаторите и хејтерите по фејсбук и твитер (затоа што  G+ е  сеуште ирелевантен исто  како  даночна пријава во Кондово или македонски новинар на твитер). Значи какви не има :

1.Политички дегенерирани фрикови (ПДФ)

– Луѓе кои буквално го сватиле она дека човекот е политичко битие, и за нив политикаа  е се. Кога се запознаваат (прифаќаат пријателство на ФБ  или заследуваат некого), прво провераваат политички бекграунд, национална припадност според историски период (антички или старословен-македонец) и:

-дали на профилот има присутни фотографии каде централно место има  македонско знаме со звездата од Кутлеш  (дали се користи Кутлеш или Вергина е многу битно)  а локацијата е најчесто во кафана на маса, или на свадба на прва братучетка.  Што по испотен е носителот на знамето, значи попосветен е на одбрана на истото, односно дека играл на патриотски песни.

-дали на профилот има присутни фотографии со споменици или барокни фасади (задолжително  присутен Воинот и фонтаната, т.е. кандидатот е присутен  на сликата а мудата на Букефал  висат во позадина)

-дали на профилот има присутни статуси и твитови со честитање верски празници и 8 Септември (се мери ниво на посветеност на верникот, дали е споменато Чудото во Св. Димитрија  и во кој контекст…хемиска реакција, Божје чудо  или  политички трик…)

-дали на профилот има присутни статуси или твитови  со бодрење на Македонска репрезентација (било која) со можност за додатно линкање до песната “Излези момче” и спомињање на “клетите душмани”

-дали на профилот има присутни линкови од Јутјуб со патриотски песни со коментари (тука задолжително  се проверува  дали е присутно спомнување на предавници и нивната блиска родбина од женски пол во смисла на пеглање и онадување…пример… “Да им е*ам се живо женско што имаат дома”. Во  некои ситуации се спомнува и мртво, ама тоа се екстремни сексуални девијации, што е сосем друга тема…)

-дали на профилот има присутни барем 3 големи кавги со политичка тематика (тука посебно се внимава на кавга со лице во родбинска врска, што поблиска подобро) и која страна се зазема во кавгите.

-дали на профилот има присутни твитови или статуси со хејтање на се што асоцира на Влада или држава (тука посебно се проверува квалитетот и нивото на хуморот кој се користи и тежина на личните навреди кон членови на Влада)

-дали на профилот има присутни  твитови или статуси со хејтање на се што асоцира на опозиција и предавници (тука се проверува  квалитетот на сексуалните пораки и до кое колено се оди во пцовките…деца, внуци или се живо…или мртво..)

-дали на профилот има присутни твитови со плукање по #Скопје2014 или #барок (се внимава на употреба на изрази каkо француски клуч/да живее Фрчко, топење бакар и  најава на сексуални активности спрема уметничката-творец на истите)

 Ако овие елементи се присутни, стануваш пријател  или заследуваш или обратно ако не се присутни стануваш пријател или заследуваш, во зависност од твоите афинитети и колку е ликот политички контаминиран и од која политичка опција.  Ако случајно некој кандидат е маскиран во невин њуби корисник и го помине овој филтер, на прв знак на појава на некој од овие елементи се пристапува  кон бришење (со предходно добро изанализирани методите и активностите на Ванковска), под  итно анфолоу или блокирање на дотичниот, со предходно плукање и употреба на погрдни зборови.

Кај  ПДФ ликовите не важат родбински врски и непотизам, ако не исполнуваш политички критериуми, едноставно те игнорира или можно е само еднаш годишно честитање на роденден преку ФБ (само текс, без слика со шампањ). Кај овие ликови многу ретко приватниот живот е присутен на личен профил или твитер. Прво рано наутро, се пристапува кон социјалните мрежи и блуење и плукање по се живо од другатата партија а потоа се лајкуваат статуси и профили или се ретвитува од свои политички истомисленици. Следењето на овие принципи и ваквите корисници на социјални мрежи се нај битен елемент во процесот  на регрутација од страна на  партиите на нови политички елементи (лепачи на плакати) наречени КУРТОН-и (Кадидат за Ултра Ревносен  Трол во Организација кај Нас)

photo (3)

2.Сексуално загорени ликови (СЗЛ)

Мики, ова ти се типови и типки спремни за опсервација од Мастерс (не се мисли на тениски турнир) и Џонсон (не се мисли на Меџик). Потенцијално се сексуално опасни, посебно ако не онаделе или биле онадени (да не речам пеглани) во последно време. Што од друга страна ги прави многу  достапни за изи фри секс, без обврски…да не речам уан најт стенд. Ќе ги познаеш по:

– постојано постирање фотографии со еротика:

А) отворена еротика -голотија во форма на …полицаец облечен само во капа и чизми, а капата е на погрешно место, или девојка  што многу се изненадила кога ја сликале па подзинала или напрчила усни,  се наведнала и цело време нешто бара долу (опасност од  потенцијално настинување на јајници затоа што патем заборавила да облече  гаќички )

Б) прикриена еротика – цвет со пчела на него

-Постојано постирање видео клипови со песни од типот ….Vetar duva kiša sipi a pod nama krevet škripi. или …Mala moja dođi da sviramo malkice, ja dok sviram ti mi skini gaćice…

– Постојано твитање со хаштаг #порнопеток #цицки или слично, као ….”ја само се зезам…”, ама од самите твитови се забележува дека се работи за суша како онаа во Судан 1999….. Или секс  лани ќе имав за малку еднаш…а годинава поретко…

Тука спаѓаат и една подгрупа наречена #форевралоун (поприсутна на твитер) или типови и типки константно напатени по “љубав и пажња”. Слично како погоре спомнатите, со тоа што кај оваа подгрупа сексот е ирелевантен, повеќе се трага по “љубав живота”. Препознатливи се по постирање љубавни стихови и фотоси од згодни фраери и риби во не експлицитно сексуален амбиент(…под палма на плажа,со гитара… во самрак на некоја пољанка со цвеќе околу и слично романтично затупување)…твитаат на хаштаг #љубов многу се мили и нежни при дискусија…Секогаш сонуваат за   принцот на коњ, ама обично принцот го нема туку доаѓа фраер кој се однесува како коњ.

3.Вонаби Диџеј Ликови(ВДЛ)

Ова група е застапена главно на Фејсбук, заради карактерот и спецификите на мрежата, иако екстремисти од оваа групација знаат да се појават и на твитер и таму да го реметат редовниот #порнопеток и да дефокусираат.  Знаат со денови да постираат линкови од видеа со песни од Јутјуб. Од време на време има и по некој коментар на линкот од типот…”…мојата….”, ако се работи за љубовна песна, или …”јој где ме наџе”, или “..шо пие кафана…” ако се работи за турбо фолк.

4.И јас имам дете (ИЈИД)

Оваа група корисници на социјални мреже е заради  карактерот на истите поприсутна на фејсбук. Се карактеризираат со тоа што припадничките на оваа група им водат инат и им прават лиги на цурите  кои се припаднички на погоре спомнатата групација #форевралоун и природниот саат им шиба сто на саат. Се карактеризираат со постојано постирање на фотографии од бебе, најчесто нивно (во екстремни случаи се позајмува од сестра или братучетка, само за да покнат  душманките). Бебето е доказ дека коначно се омажиле и дека ревносно ја следат акцијата на владата за зголемување на наталитетот. Машката популација ретко припаѓа на оваа групација, ама ако потпадне под влијание на”бебе и негов осмех” као најако оружје на членовите на ИЈИД , тогаш потполно се посветува на активности од типот…”еве сум со син ми, куре татино да ми ти порасне поголемо…”. Некои повозрасни  корисници се членови на оваа групација дури и кога ќе добијат втора генерација за фалење…таканаречени  “внуци”. Во  екстремни ситуации кај корисници на кои ептен многу им се брза…”да и покажам на онаа кучкана од Центар дека и јас можам”, доаѓа до постирање фотографии кои се  во категоријата…”дај не ме јеби”…односно…”ја мислв дека сум луд, али ова е”…каде се постираат и ехо снимки…од некаде 6-7 месец трудноќа. Да…и ова е видено…

  Човекот мики….човекот ти е најчудното животно  на денешницава….Кој помалку кој повеќе.  А да не беа социајлните мрежи, како ќе ги познаевме ситните лудости на нашите пријатели или непријатели? Да се разбереме…јас најверојатно сум по малку  во секоја од овие групи, ама тоа не ми пречи  да продолжам да се лечам, токму со користење на социјалните мрежи. И полесно ми е. Затоа што секогаш можам да  видам дека има и полуди од мене.

Умната теткица која сака да банира

Теткици почитувам многу. Посебно оние од друштвото на Рон Џереми или Роко. Ама теткици кои мислат дека се од Бога дадени да делат памет на сите наоколу, без мерка или респект кон луѓето и нивните чувства, е тоа не можам да поднесам. Одењето во Црква не те прави верник, како што ни седењето во гаража што не те прави БМВ. Исто така ни бескрајното одење по школи и факултети не те прави интелектуалец. Интелектуалец е дел од карактерот кој го имаш или не, а не е бесцелно бубање како замена за недостатокот од пријатели или забава во тинејџерските години, најчесто предизвикани од мајка природа која кога те креирала била на тешки дроги, или во најмала рака мртва пијана.

Една “мудра” теткица дели памет по интернет, поточно на Фејсбук. Јас само ќе ја поздравам и ќе и порачам дека пред се треба да си човек, добар човек, човек со срце, со разбирање за оние кои не се исти како тебе, толерантен и пријателски расположен и кон оние кои не го делат твоето мислење. Професор се станува со парче хартија, човек се раѓаш. Ако не, тогаш си грешка на природата. Ароганцијата и надуеноста, посебно поткрепени со исфустрираност и нетолерантност не можат да се прикријат со ниту една диплома на светов.

Мој коментар на еден статус на “генијалката”:
“Ако Македонија не е држава…па зошто уште сте тука…Зошто живеете на сметка на Македонија и буџетот? И вие себе се нарекувате професорка? Зошто се бламирате по Фејсбук и се расправате со луѓе кои немаат исто мислење со вас. И кога немате аргументи ги бришете? Дали тоа значи дека ако во живо разговарате, тие со кои не се согласувате ги бришете физички…на сила?? Вие “професорке” можеби имате школо и титули, ама вие немате човечки квалитети за да бидете професорка. Вие ги навредувате и омаловажувате луѓето само заради тоа што немаат ист став како вашиот. Ќе се погрижам никогаш да немате можност да им предавате на моите деца. И на крај….ќе се обложам дека не можете да ме избришете…мислам од ФБ. Инаку вие би ме избришале и од лицето на земјава. Каква исфрустрираност и каква искомплексираност…не можам да верувам…Човек може дисертација да напише. Поздрав и уживајте во својата мизерија…”

Ова е настан од пред една година. Секако дека генијалката ме избриша и ме блокираше. Не…не одговори на коментарот. Типично, кога на исфрустрирана и искомплексирана личност ќе и укажеш на ароганцијата и нетолерантноста со која се однесува кон останатите, тоа го постигнува максималниот ефект и едноставно доаѓа го покачување на егото на субјектот на опасно високо ниво. Во вакви случаи се јавува потреба од користење на заштитна опрема затоа што постои опасност од паѓање на дотичната личност од екстремно високото ниво на его на далеку пониското ниво на интелигенција и човечки квалитети кои ги поседува субјектот.

Но, ете…карма из а бич, нов бунар копај-во стариот не плукај, немој да му го правиш на другиот она кое не сакаш да ти го прават другите на тебе и многу, многу други мудрости. Ма, знам…генијалката има толку наобразба за да ги знае овие поговорки и факти од најдобрата школа на светот и векот – животот.

Кога својата ненадмината и неприкосновена генијалност, знаења, стручност и човечки-лични квалитети умната теткица од фејсбук реши да ги стави на располагање на нацијата и сосема скромно да се понуди да ни биде Претседател, објективната ситуација налагаше дека јавноста, обичните граѓани и станаа и тоа како потребни на теткицата. Социјалните медиуми се алатки кои секој кој сака да биде присутен во јавноста и да понуди нешто пред истата мора да ги свати сериозно. Но теткицата заборавила да направи список на сите под нејзиното ниво со спротивни ставови и неподобни за да бидат дел од нејзините социјален живот, па сосема “малку” арогантно и со високо ниво на демократски капацитет ги блокирала и избришала од Фејсбук. Та не е саде фејсбук…не попусто ги нарекуваат во множина…социјални медиуми. Да, твитер е еден од нив. Нејсе.

Умната теткица решила дака јас порано неподобен и недоволно добар за нејзино “друштво” на фејсбук само заради тоа што замислете се осмелив да не се согласам со нејзиниот став (кој нели треба да се изгравира во мермер и да се изложи и покаже на граѓаните како реликвија) одеднаш сум подобен и потребен и дека треба да ме следи на Твитер. Не…јас не ја следам. Многу ми смрди тавото друштво. Плус, не сум доволно едуциран, не климам со главата на нејзините ставови и го немам нејзиното ниво. Да, знам… вие со голема сласт би притиснале на копчето block. Јас не…

Пентиум кец повеќе од анонимци и дигитални тролови

Социјални мрежи, “жими мајка” поети, “јас тебе војводо, ти мене сердаре” интерет “влијателни” ликови, дигитални ѓоамити активисти, “многу сакам да сум смешен” твитерџии/препишувачи, умислени професори и пискарала кавгаџии по интернет, луѓе кои од некои за мене неразбирливи причини сакаат да бидат никој и ништо и висат по ФБ и твитер како анонимци.
signs_funny_garbage_trash_desktop_1024x768_hd-wallpaper-919186
Ништо…сето тоа е празно, се е ситна боранија. Заради таквите ликови жалам што интернетот стана достапен и евтин, па секој може да се фати за тастатура. Заради таквите ликови почнав и вајфајот да го мразам. Ехххх ….Пентиум 1 со процесор “моќен” колку сегашна месарска вага, модем златен Јуес роботикс, 28.8 Kbps, телефонски кабел, и огромни телефонски сметки (мојата прва интернет+телефон беше 3500 германски марки)…

Колку не има што можеме да кажеме дека го знаеме и го користевме интернет и пред Лари и Сергеј да се сетат дека им е доста учење и да го направат Гугл? Кој уште може да каже дека го користел Виндоус 3.11 и Нетскејп Навигатор? Е.еее… времиња златни…и убав народ по интернет. А сега? Направи лажен профил и трчај по туѓи зидови и по форуми и тролај луѓе и расправај се без аргументи и заради лажливи политичари. А својот вистински профил користи го за Фарма или кенди креш или како и да се викаат игричките. Идентитет? Па не треба Грците да ни го негираат идентитетот, кога пола нација сама си го брише личниот идентитет и сака да биде анонимец.

Како поминаа минатогодишните блогерски и твитерџиски награди-фото сторија

РЕПРИНТ

Големиот настан се случи вчера вечер во МКЦ. Македонската јавност(и дијаспората) со нетрпение го очекуваше најбитниот настан за 2012 година кој се однесува на социјалните мрежи и блоговите. Блогерски и твитер награди за најуспешните во изминатата година. Видени со мојот малку извртен ум(не замерајте…Авганистан, пустина, војна, рокет атак,…твитерџии шо ме нервираат)…

Еден сосема обичен млад пар….

Има луѓе на кои не им се битни социјалните медиуми…..

Комисијата на @blogirame ги утврдуваше кандидатите за награди….

Некои блогерки и твитерџики беа среќни….

Некои помалку….

Конечно номинации…

Се беше подготвено за најважната вечер за Македонските блогери и твитерџии….да не речам за целата јавност кај нас.

Луѓе од сите краеви…блогери и блогерки…твитерџики и твитерџии се упатија кон МКЦ…

Главните играчи на нашата блогерско–твитерџиска сцена пристигаа, борејки се со товарот на славата.

Некои имаа лични дилеми и неодговорени прашања…

Фановите и пријателите на главните ѕвезди беа пред МКЦ…но немаа сите среќа….

Имаше дешаванки и пред врата….

Конечно….

…долго очекуваното…

Некои се сеуште во ред…

Некои се незадоволни…

Некои мислеа за после…

Најважниот момент дојде…

Момент на вистината…


Имаше и незадоволни….

Надвор уште чекаа  најупорните фанови…

Внатре се делеа наградите…

Имаше и музика….

…и танчери…

Имаше и афтерпарти….

Како и да е…забавата беше на високо ниво. Заслужено опуштање за сите. На крајот….

Уште подоцна….

После оваа фото сесија сигурно секој од вас кој не присуствувал на ивентот на годината има вистинска слика за тоа што се случувало. И јас исто… Како резултат на тоа…и на се што се случуваше вчера, јас преземав некои мерки за следната година.

п.с. Се надевам дека оваа манифестација ќе стане традиционална.Предлог за следната година. Можеби ова ќе даде малку шмек на целиот настан…